Antoine Perrenot de Thou

“ J'ay veu tout ce que vous m'escripvez touchant le bailliage de Dole, et ne le puis sinon fort bien prandre, cougnoissant encoires en ce clèrement la bonne affection que vous portez à moy et aux miens, dont procède tout ce que vous m'en dittes; mais vous me pardonnerez si je vous diz que je ne suis pas de vostre opinion de debvoir embrasser toutes les occasions pour faire pour les miens; je cougnois à qui j'ay à faire ”

“ A cette époque, où l'argent faisait continuellement défaut au trésor public, le sel, sous prétexte de l'accroissement éontinuel de la cherté des matériaux nécessaires à sa fabrication, était un des objets sur lesquels l'impôt s'appesantissait chaque jour davantage. ”

“ Ledict conseillier Wanderburch, souloit estre en bonne opinion de monsieur le prévost Foncq, et le mit en avant avec aultres pour président, quant ledict sieur Blaser en fut pourveu. Je ne scay si despuis il luy est survenu quelque umbre, dont j'ay sentu quelque vent ; bien scay je que plusieurs pardelà l'ont en bonne opinion, aultres non telle, comme chascun est soubmis aux divers jugemens des hommes. ”

“ Madame d'Achey.
Quant à ma niepce d'Achey, je ne scavroie aussi que dire d'advantaige de ce que j'en ay escript; elle se veult assheurer , c'est raison que nous le soions aussi ; tous demandent, et l'on ne peult pas faire pour tant de gens en ung coup. L'on verra les poursuytes que fera Vateville, qui ne pourroit ouvrir chemin pour mieulx faire noz affaires et nous préparer l'occasion ; vous mercyant ce pendant cordialement ce que vous m'en escripvez, meu de bonne affection et des bons offices, que en tout vous faictes pour mon respect, que je tiens à grande obligacion. ”

“ Dieu doynt que mon désir en ce s'effectue, dont je ne perdz espoir ; et pour ce que toutes les chançons de par de là tumbent sur ce point de la faulte d'argent, je vous en ay voulu dire ce mot, ne voyant que j'y puisse faire d'adventage.
Deniers par defà.
Les affaires de Coloigne sont de bien maulvaise digestion; j'en ay escript et à Sa Majesté, et à la court de l'Empereur, et à Rome, com'il convient, disant le remède que me semble l'on y pourroit tenir, qu'est ce que j'y puis faire. ”

“ Marie de Bonière, veuve de Jacques de Marnix, dame de Tououse (Jura) , belle-mère du célèbre Philippe de Marnix de St-Aldégonde.
l'occasion d'icelles, et fault considérer que par delà Sa Majesté n'a à présent le moien. Aultre chose seroit ce, si elle estoit remise en la possession de ce que luy appertient, comm'il fault espérer qu'il succédera. Sa requeste tumbera entre les mains de monsieur le prévost Foncq, à cause de sa charge, en quoy je ne fauldray de faire ce que je pourray, mais il me desplait de ce que je ne puis donner asseurance de ce qu'en succédera. ”

“ Ladicte armée est fort belle et bien pourveue de tout ce que convient, et passe de cent voiles ; et à Lisbone demeurent aultres galères, et les deux galiaces nouvelles, meilleurs et mieulx porveues que les deux précédentes, et plusieurs navieres en ordre, et les galères de Naples, Sicile et Gennes, pour contre Luchali, s'il vient, et pour tout ce que pourroit estre de besoing. Et se porte Sa Majesté fort bien, Dieu mercy, comme aussi font tous ceulx du sang ”

“ Je vous prie, continuez à tenir soing des affaires de Bourgogne, dont vous avrez cougnoissance ; et ne craignez que pour rien à ce bon debvoir l'on vous en puisse mal imputer, surtout en ce où vous besougnez maintenant, pour redresser la justice; faictes tout ce que vous sera possible pour mectre le tout en bon chemin; et comportez le pas lent de voz compagnons, puisque vous ne les pouvez changer à votre voulenté, et ne vous donnez penne. ”

“ Dieu nous doynt quelque bonne fortune avec laquelle nous le puissions retirer, dont je ne désespère. Je ne scay ce que l'on avra faict du viscomte de Tourainne, sur la permission que Sa Majesté avoit donnée pour traicter de sa délivrance, avec recommandation fort expresse qu'elle a faict, afin que ce moyennant l'on retira noz prisonniers. ”

“ Et a peu de contentement ledict d'Alençon des rebelles, et encor de la roynne d'Angleterre, qui l'a ainsi amusé et abusé, et de son frère, pour luy sembler qu'il n'ayt pas faict pour luy tout ce qu'il eust voulu. L'on verra ce qu'en adviendra et de Cologne, où jà est piéça arrivé le cardinal d'Austriche légat, et vous aurez entendu du costel de Rome que consistorialement l'apostat a esté privé de l'archevesché, et commandement faict à ceulx du chapitre de procéder à nouvelle élection; et comme je l'ay tousjours dict dois le commencement, c'est le vray remède ”

“ Je vous ai escript, comme vous dictes, qu'il ne convient nullement que je me mette à prétendre l'achat de la seigneurie de Mortagne, et, si monsieur d'Andelost, mon nepveur, y veult entendre, je ne l'empescheray, mais à vous dire la vérité, je ne scay si luy convient; il est sage pour prendre advis. ”

“ Le commerce ayec les rebelles.
Quant à ce que vous touchez par vos letres de permettre aux villes où la religion est corrompue que l'exercice de la faulse religion se continua, pourveu que aussi librement s'y exerca la catholicque, je vous diray en ung mot que (nonobstant que je voidz que voz raisons sont urgentes) l'exemple de la France, oultre tant d'aultres raisons, me retiennent en l'opinion que je vous ay escript. ”

“ Dieu luy doint en tout et partout bon succès. Nous n'acheverons jamais bien ce de pardelà, pour y assheurer le repoz, si nous n'entendons à la marine ; par où les pays se sont perduz, il les
fault recouvrer, et fault que le Roy se face signeur de la mer, que à mon advis luy sera facile.
Eslougnant ledict sieur Prince Tornay, nos pacquetz passeront l'hazard que vous dittes, par quelque chemin que l'on prengne, mais en fin je m'arreste à vostre opinion, et les adresse par Bourgougne, les remectant à monsieur le Prieur, vostre frère. ”

“ De raison les rebelles debvroient estre las de tant de maulx qu'ilz soubtiennent, et c'est bien ce que plus empesche le retour le poinct de la religion , mais j'espère que Dieu leur ouvrira les yeulx, pour recognoitre les meschantez de cesgentilz réformeurs qui les ont precipité aux erreurs. ”

“ Je suis contrainct, pour non faillir à ce que plus emporte, de getter beaucop de telles letres au feug; le mal est que l'on ne l'ose faire, sans préalablement les lire, pour ce que l'on ne scait ce qu'elles peuvent contenir, et font perdre autant de temps sans propos à ceulx qui en ont jà faulte ”

“ J'ay receu letres de madame d'Achey, ma niepce, de mesme argument que celles que je voidz elle vous a escript, et je vous mercye cordialement de la response que vous luy avez faicte, que ne pourra sinon servir. Je luy respondz plus généralement, et plus particulièrement à monsieur le hault doyen, lequel s'emploie de bonne sorte en ce que convient à la maison d'Achey, en laquelle mes nepveurs ont très mal mesnagé à l'imitation du père. ”

“ Il fault aussi considérer le temps, et que le faict de la guerre eslougne de où vous estes monseigneur le Prince; et si continuellement il estoit présent où vous estes, les affaires vous feroient tous les jours plus cougnoistre, et les occasions, lesquelles
il fault actendre et non les forcer, ouvrent souvent chemins à l'imprévue, que l'on n'eut espéré. ”

“ Vous ferez vertueusement de vous comportant comme vous dittes , faisant plaisir à chacun , en ce que se peult, sans faillir au debvoir, et faisant gracieux receul à chacun avec affabilité, etescoutant tout ce que l'on dit, et estre retenu à dire, comme vous estes ; par vostre prudence , évitant singulièrement, tant qu'il sera possible, de prandre pique avec personne. ”

“ Monsieur de Broissia, l'ordinaire à ce cop est venu fort tard, pour l'empeschement qu'il a treuvé des rivières desbordées , pluyes continuelles et fanges ; et pourtant seray con train et de laisser de respondre pour ce cop à plusieurs, car, pour aultres affaires, je n'ay pas tout le loisir dont j'auroye besoing, pour satisfaire à tant de gens ou à tant de letres qui me viennent à ung cop. ”

“ Madame d'Hochstrate (1) peult confier, et de ce la pouvez vous assheurer, qu'elle me treuvera tel que je luy ay tousjours offert ; et au regard de monsieur de Billy, il sceit quelle voulenté il ha toujours trouvé mienne en son endroit. Je me trouve trop mieulx avec les vieulx amys qu'avec les nouveaulx, et où j'avray moyen et occasion de m'emploier pour luy, il me treuvera tousjours tel que j'ay esté du passé. ”

“ Saragosse,
tentement de non avoir estez négligez, et de tant d'advis on pourra bien tirer quelque chose que pourroit estre à propos. Je m'esbey que vous ne me faictes mention d'avoir veu ce que j'ay escript sur ce poinct des affaires de Bourgogne à monseigneur le Prince et à monsieur le Président d'Arthois , que me faict présages qu'il y a quelque letre vostre perdue. ”

“ J'avois pensé ung aultre point pour brider les nominations, et afin qu'elles ne viennent si cornues et appassionnées, que, se traictant de nommer, chascun die de voix son opinion librement de ceulx qui se mettront en avant, et qu'icelles opinions s'annotent, avec l'arraisonnement de chascun sur ce qu'il dira, mais que après la détermination se fit par febves, afin que plus librement chascun y puisse donner son suffrage, sans en voir le mauvais gré, puisque l'on ne pourra scavoir qui auront donné les blances ou les noires ”

“ Les François, que sont entrez au Pays d'Embas, ne pouvoient faire en ung temps deux chemins, pour envahir joinctement et lesdicts Pays d'Embas et le comté de Bourgogne ; et touteffois à l'accoustumé l'on nous en donne de belles alarmes du costel dudict Bourgogne. J'ay veu ung discours qu'en a faict monsieur de Chassey, où il y a beaucop de bonnes choses; et je luy respondz je ne vouldroie veoir tant aguerriz nos subjectz audict Comté , qui ne sont jà que trop farouches ; et nous voyons les maulx que nous recepvons plus grandz des assemblées qui se font au pays que des ennemys propres ”

“ Ce que convient est de faire rigoreusement observer le commandement que j'entendz l'on faict aux distributeurs, de faire continuer les lectures par ceulx qu'en ont charge , et l'industrie desquelx est à ce choisie, sans le comporter que, pour s'emploiera aultres choses de proffit, ilz délaissent de faire leur debvoir; et plustot que l'on les prive des lectures, pour les donner à aultres qui le rendent. ”

“ Quant à l'abbaye, je vous en ay escript résolument, tout ce que je vous en scavroye dire et envoyé nostres letres servans à ce , à quoy je me remetz , désirant le bon succès non moings que vous mesme.
Et me plaît fort que madamoiselle de Lullin" (3) soit estée choisie pour l'abbaye de Baulme, comme la suffisante et mieulx qualiffiée. Dieu la veuille inspirer à bien régir et gouverner le trépeaul qu'elle avra en charge. ”

“ Et j'ay regret de veoir monsieur de Thoraise, mon nepveur, continuer pour achever de destruire le tout, que donne ung grand regret à madame de Thoraise , ma sœur, laquel je plaintz de veoir en telz termes, mais je ne voidz remède en leurs affaires, se fondant mondict nepveur sur le hault avec bien maigre fondement. Il prétendra après beaucop et importunera; mais il fauldra qu'il ayt pacience pour se contenter de ce que l'on pourra, sans prétendre à d'adventage.
C'est grande peinne de veoir que jeunes gens d'aujourd'huy sont si voluntaires et à leur fantaisie. ”

“ Si Dieu ne faict miracle en telles gens comme ceulx à qui l'on ha affaire, et que les bons succès qu'il a pieu à sa divine bonté donner à monseigneur le Prince en la basse Flandre et ce de Menin, et veoir Alançon hors des pays, en estant parti si honteusement, se perdant par ce bout toute opinion des belles protections qu'il avoit tant promis, se veoir si longuement en tant de misères, chargés de contributions, de garnison, et de gens de
Borluc. ”

“ Son Altesse (1) est sage et prudent prince, et, à la vérité , il procède de sorte en ses emprinses , et en donne si bon compte, avec si bonnes raisons, que je ne scay ce que l'on luy pourroit demander d'adventage ; il avra prins l'advis des gouverneurs et de ceulx du Conseil d'Estat et aultres, pour résoldre ce qu'il debvoit faire. Et fault considérer que, où il y a si grandes faultes de vivres et fourrages, et le pays tout mangé , il ne peult pas poursuivre ses dessings comm'il vouldroii, et comm'il conviendroit encor, si ceste faulte n'y donnoit empeschement. ”

“ Les désobéissans et contumaz, et ceulx que tiendront peu de compte de l'excommunion, se pourront chastier, que fera aultres saiges pour non s'obliger; soubz le scel de l'Archevesque on se résouldra à mieulx poyer. La résolution n'en est pas encoires prinse, et pense bien que de deux moys les ordonnances ne se publieront là. Et vous ne vous debvez repentir de la penne que vous y avez prins ; vous n'avez esté seul, et le mal vais grey chargera sur le colleghe et sur ceulx d'icy. ”

“ Mademoiselle Marie, sa fille, demande remède à Sa Majesté, et à la vérité il y a grande considération; et ne fauldray de recommander fort voluntiers son prétendu et de l'ayder en tout ce que me sera possible, comme aussi ayderay je de bien bon cueur messieurs du privé Conseil pour estre mieulx traictez.
Madame d'Achey.
Quant à madame d'Achey, ma niepce, vous avez faict et faictes beaucop pour elle. L'on verra ce
qu'elle fera de son coustel, pour après prendre advis de ce que l'on pourra et vouldra faire. ”

“ La provision tardive d'argent nous a porté grand dommaige, non seullement maintenant, mais aultreffois. Enfin il aura receu les 600 m. ducats, et par un corrier extraordinaire que l'on luy a dépesché, il n'y a pas six jours, l'on luy a donné advertissement d'aultres 400 m. Oultre tout cela, je ne délaisse de faire tout ce que je puis pour procurer beaucop plus grande provision (1) . Et, si nous y voulons entendre comm'il convient, je me tiens pour tout asseuré qu'avec l'ayde de Dieu nous demeurerons à la fin victorieux et que les François (2) et leurs adhérans n'auront moyen de soubstenir. ”