Jean Vauquelin de La Fresnaye

“ Ils dresseront au Ciel les yeux en t'admirant, Comme ceux que, iadis, on alloit requérant A gages, pour pleurer aux grandes funerailles, Qui, faignant lamenter du profond des entrailles, Disoient et faisoient plus par leur pleurer moqueur, Que ceux là qui pleuroient leurs amis de bon cœur. ”

“ Tantost d'vn grand bonheur en malheur l'abaissant, Et tantost d'vn peril en honneur le haussant : Aux vices naturels le faisant vn peu tendre, Mais ferme à la vertu tousiours le fait entendre, Et sans du vray-semblant du tout se départir, Il sçait bien les vertus aux vices assortir : Luy baillant vne grâce, vne ame, vne faconde, Qui luy fait contrefaire à propos tout le monde : Comme quand il luy fait à Didon raconter Le piteux sac de Troye, il luy fait emprunter Les gestes, les discours, la posture et les âges (Lorsqu'il les fait parler) de plusieurs personnages. ”

“ Et si n'aparoist point pourquoy, si furieux, Il veut hausser au Ciel son vers ambitieux, Ni quelle est la raison de sa fureur si grande, Ni quel vice mutin sur son ame commande ; Ou s'il a le tombeau de son pere brouillé Ou si dedans son sang son sang il a souillé, Polu les saints autels, et que par penitence Il luy fust de besoin de punir cette offence.
Il est pourtant tousiours incensé caqueteur, De ses vers à chacun importun reciteur, Comme l'Ours irrité ; si de sa caue il ose Défaire les barreaus, rompre la porte close, Loin il chasse tous ceux qui marchent deuant luy. ”

“ Enseigner, profiter, ou bien donner plaisir, Ou faire tous les deux, le Poëte a désir, Comme propre à la vie : en faisant tout ensemble Chose qui profitable et plaisante nous semble.
Or si premier tu veux enseigner, sois tousiours Clair et bref, sans vser d'obscurs et longs discours, Afin qu'incontinent tes preceptes faciles Se grauent au cerueau des auditeurs dociles.
La chose superflue aussi bien sortira Hors de l'estomac plein, qui la reuomira.
Et si plaire tu veux, tousiours conte tes fables, Pour donner du plaisir, comme estant véritables. ”

“ Qui trop veut estre senr, et qui trop craint l'orage, Il demeure rampant à terre sans courage.
Qui veut d'vne autre part, prodigue de seq vers, Vn mesme fait changer par vn parler diuers, Il conduit aux forets les Dauphins hors des ondes, Les Sangliers hors des bois dedans les eaux profondes, Et les Cerfs il veut faire en hardes abbander, Pour aller hors la terre en la mer viander : Au vice nous conduit la faute qu'on euite, Si par Art elle n'est du iugement conduite. ”

“ D'autant que Democrite aimoit plus vne veine Coulante naturelle en son grauois sans peine, Que l'art trop miserable où l'on mordoit cent fois, Deuant que faire vn vers, ses ongles et ses doigts ; Qu'il banissoit encor d'Helicon et Parnasse Celuy qui tous les vers par le seul Art compassé, La Nature estimant plus heureuse que l'Art, Pour ce maints on voyoit, qui faisoient bien à tard Rongner leur poil hideux, leurs ongles pleins d'ordure, Pensant par ce moyen figurer la Nature : Comme encor'on en voit qui vestus simplement, Solitaires ne vont où sont communément ”

“ Tout ce que nous ferons est suiet à la mort : Ce qui fut terre ferme à cette heure est vn port, Oeuure haute et royalle : et maintenant la Seine Pour enceindre la ville abandonne la pleine : Et ce qui d'vn costé n'estoit rien que marests, Et qui d'vn autre endroit n'estoit rien que forests Est, fendu soubs le soc, deuenu champ fertille Des blonds cheueux que tond la dent de la faucille. ”

“ Qu'il apaise tousiours vne ame couroucee, Et plein de iugement descouure sa pensee.
Qu'il honore celuy qui du vice est vainqueur, Louant ouuertement les hommes de grand cœur, La table sobre et nette, et l'vtile Iustice, Les Edits et les Loix qui vont bridant le vice, Et qu'il loue en passant la douce oisiueté Qu'on reçoit en la paix viuant en seureté : Et qu'il tienne secrets les secrets qu'on luy baille, Et que les puissants Dieux tousiours priant il aille ; Qu'aux humbles afligez il oste la douleur, Et qu'aux fiers orgueilleux il donne le malheur. ”

“ Sans fruict ainsi vous plaist vne rose nouuelle, Et le baiser sans fruict qu'on prend d'vne pucelle.
Puis des vers le Genie estant du Ciel venu, Pour celeste plustost que terrestre est tenu.
Car encor que la perle Indienne et gemmeuse Naisse dedans le nacre en la mer escumeuse, Toutesfois elle tient plus du Ciel que de l'eau, Aprochant en couleur de son visage beau : Aussi l'esprit conduit par la Muse diuine, Despend plustot du Ciel dont il prend origine Que non pas de la terre où son corps est viuant, Ainsi que le Soucy son beau Soleil suiuant. ”

“ Quelquefois vne farce au vray Patelinee, Où par art on ne vpit nulle rime ordonnée ; Quelquefois vne fable, vn conte fait sans art, Tout plein de gosserie et tout vuide de fart, Pour ce qu'au vray les mœurs y sont representees, Les personnes rendra beaucoup plus contentees, Et les amusera plustost cent mile fois Que des vers sans plaisir rangez dessous les lois, N'ayant sauce ni suc, ni rendant exprimee La Nature en ses mœurs de chacun bien aimee.
- Nature est le Patron sur qui se doit former
Ce qu'on veut pour long temps en ce monde animer. ”

“ Ange ni Dieu n'y soit, s'il n'est besoin de faits Qui soient vn peu douteux, ou d'vne mort celee Qui d'vne Ombre ou d'vn Dieu lors sera reuelee : Et ne parle vn quatriesme en l'Etage auec trois : Trois parlant seulement suffisent à la fois.
Le Chœur de la vertu doit estre la defence Du parti de l'autheur repreneur de l'offence : Doit parler sagement, graue et sentencieux, Se montrant de conseil, aux grands officieux; Chose n'entremeslant aux actes, que bien dite, Bien ne vienne à propos, et qui bien ne profite.
Aux bons et vertueux il fauorisera, Et les non feints amis, ami vray prisera. ”

“ Le Lierre en la sorte en forme de serpent, Sans son grand artifice en bas iroit rampant : Aux arbres il s'attache, industrieux il grimpe Par son trauail, plus haut que le coupeau d'Olimpe : Il grauit contremont sur les antiques mues, Il s'eleue collé dessus les chesnes durs, Et sa force si bien haussant il etançonne, Que plus ferme est son pied qu'vne ferme, coulonne.
De mesme la Nature aux Arts a son recours, Pour auoir vn soustien, pour auoir vn secours, Qui ferme rend sa peine en plaisir égayee De se voir par les fleurs de science étayee. ”

“ Car l'arbre Delphien S'y peut voir des premiers : l'arbrisseau Papbien loint au rampant Lierre ; et d'Oliuier paisible S'y faire vne couronne à tous il est loisible : De ces bois sont sortis les Satyres rageux Qui, du commencement, de propos outrageux Attaquoient tout le monde, estant dessus l'Etage.
Mais depuis ils se sont polis à l'auantage : Car sortant des forests, lasciuement bouquins, En la bouche ils n'auoient que des vers de faquins, Tantost longs, tantost cours, comme les Dithyrambes Des mignons de Bacchus, qui n'ont ni pieds ni iambes. ”

“ Car n'estant vray-semblable vn propos inuenté, Comme vray sans propos ne veut estre conté.
Pourtant tu ne feindras rien qu'on ne puisse croire, Comme celuy qui conte ainsi comme vne histoire Que les Fees iadis les enfançons voloient Et de nuict aux maisons, secrettes, deualoient Par vne cheminee : en tout sois vray-semblable.
Le vieillard ne se plaist au conte d'une fable, Ni voir des vers qui soient sans quelque vtilité': La chose graue plaist aux gens de grauité, Et la Muse seuere, en ce temps où nous sommes, Pareillement deplaist aux ieunes gentils hommes. ”

“ Comme le voyageur qui d'vn beau lac aproche, En son bord se va mettre au cou peau d'vne roche : Là demeurant long temps oisif en son repos, Il n'a rien pour obiect que les vents et les flots : Toutesfois les forests dedans l'onde vitree Montrent de cent couleurs leur robe diapree, Et l'ombre des maisons, des tours et des Chasteaux Cette eau luy represente au cristal de ses eaux. ”

“ Et ie seray celuy qui porte vne lumiere La nuict pour eclairer à ceux qui vont derriere.
Son flambeau seulement flambera pour autruy ; Fort peu, quoy que ce soit, il flambera pour luy.
Le sage et saint scauoir est la fontaine claire Et le commencement d'escrire et de bien faire : Chose qùe te pourront montrer les hauts escris De Socrate et Platon où tous biens sont compris, Et mieux nos liures saints, dont la sainte science Allume vn ray diuin en nostre conscience : Qui nous fait voir le vray, qui du faux est caché ”

“ Tout ainsi de celuy, qui fait comme vn Cheerile, Qui pour faire des vers est rimeur mal habile, Et de Sagon se fait appeler Sagouyn, Meslant en nostre langue vn sot barragouyn De propos décousus, rie à rie voulant prendre Le Latin à la barbe et vulgaire le rendre, Et duquel ie me ri, de merueille surpris, Quand deux ou trois bons vers ie trouue en ses escris.
Souuent en œuure long la Muse mesme chomme.
Parfois le bon Homere est surpris par le somme : Mais vn ouurage long on excuse es endroits Où le sommeil glissant fait errer quelque fois. ”

“ Beaus esprits pensez y, vostre Muse auertie Ne soit doncques si fort à l'Art assuiettie Que le bon iugement ne face élection De tout ce qui depend de la discretion : Donnez puissance egalle aux mœurs, au tems, aux Muses, Sans pourtant tromper l'Art de quelques fausses ruses.
Quand vous voudrez les Roys à vos chants amuser, De paroles de soye il faut touiours vser (2) : Et sans les flater trop d'vne ame trop mauuaise, Leur ombrager le vray par chose qui leur plaise, Sans pourtant offusquer du tout la verité : Mais leur faire à propos paroistre sa clarté. ”

“ Et bien que ce qu'on oit emeuue beaucoup moins, Que cela dont les yeux sont fidelles tesmoins, Toutesfois il ne faut lors montrer la personne Quand la honte ou l'horreur du fait les gens etonne : Ains il la faut cacher, et par discours prudens Faut conter aux oyants ce qui s'est fait dedans : Et ne montrer le mort, aporté sur l'Etage, Qui caché des rideaux aura receu l'outrage : Car cela se doit dire : et plusieurs faits ostez Hors de deuant les yeux sont mieux apres contez. ”

“ Si l'un d'eux n'est point aperçu, ce n'est pas qu'il soit absent ; c'est que notre oeil, presbyte ou myope, ne peut atteindre là où il est. Ou nous allons au-delà, ou nous demeurons en-deçà.
De Ronsard à Malherbe, l'intervalle est immense. Grande solution de continuité. — Entre ces deux hommes, où sont les points de contact?
Malherbe peut-il directement procéder de Ronsard? La négative est évidente. Pour joindre ces deux hommes, il faut
un pont, un trait-d'union, un anneau. ”

“ Suiuant vn dous moyen subtil faut ioindre l'Art Auecques la sornette et le graue brocart; Et mesme faire encor que l'ami ne se fâche Quand d'vn vice, commun à chacun, on l'atache.
Comme la Dame honneste aux Dimenches chommez Se trouue quelquefois aux banquets d'elle aimez, Ou contrainte à danser, ne laisse bien modeste, De courtoise montrer vn graue et ioyeux geste : Ainsi doit la Satyre, en sornettes riant, La douce grauité n'aller point oubliant : Estant et de plaisir et d'honnesteté pleine, Comme la belle Grecque et la chaste Romaine. ”

“ Ainsi le flateur faint, d'vn desguisé sourire, Plus que le vray loueur s'ebahit et s'admire.
Les grands, ainsi qu'on dit, font quelquefois tenter Vn homme par le vin, pour l'experimenter, Le font boire d'autant, luy font faire grand'chere, Pour scauoir s'il pourroit bien celer vne affaire : S'il est d'amitié digne ils veulent lors sçauoir; Par espreuue se peut vn mal aperceuoir.
Aussi faisant des vers tu te dois donner garde D'vn esprit qui se masque, en sa façon mignarde, De la peau d'vn Renard. Auiourd'huy rarement On trouue des amis de libre iugement. ”

“ Ce peu peut radresser L'homme qui s'alloit perdre à la sente egaree, Qu'on voit estre sans fruict des hommes separee.
Car en ayant le faux pris pour la vérité, Moqué dans son ouurage il se fust dépité.
Il est vne autre humeur d'hommes, qu'on dit Poètes, Inconstans et legers, comme des Giroëtes Qui vont vireuoltant, à tous vents, sur les tours.
Ces gens malasseurez, par incertains détours, Veulent gaigner du Mont la cime double et haute.
Ils ont la volonté; mais par la grand'defaute De la Lune (qui n'est forte comme Phœbus) Qui leur ceruelle occupe, en l'Art font mile abus. ”

“ Des gemmes que l'on trouue aux riuages Indois, l'estime tousiours celle estre de plus grand chois, Qui non seulement belle en couleur variante Scait réiouir les yeux, agreable et riante, Mais qui sçait à des maux remedes aporter, Et par vertu secrete vn esprit conforter : Ainsi des Muses est la chanson souueraine Qui n'a pas seulement la voix belle et sereine, La parole plaisante et l'air delicieux, Mais qui scait d'auantage enchasser precieux Le diamant en l'or ; tirant auec deliccs Par ses enseignemens vn homme de ses vices. ”

“ Le changement diuers tousiours affectionne, Selon l'euenement qui le cœur passionne.
Les vers aiment tousiours cette diuersité : Car le changement tient vn esprit excité A se passionner, selon que veut le conte, Soit ioyeux ou facheux que la Muse raconte : Le plaisir estant plus agreable et plaisant Que la fin est contraire à l'aduis du lisant : Mais d'ailleurs ce qu'on void estre simple et semblable Ne passionne point, pour estre vn et sans fable : Cela fait qu'vn Homere ou Virgile ne fait Qu'vn homme soit tousiours ou vainqueur ou parfait. ”

“ Mais, Sire, vous auez fait vn choix honorable En beaucoup qui rendront Apolon fauorable A vostre Maiesté, qui d'vn si grand donneur Couronne les bienfaits d'vn immortel honneur.
Qui diroit qu'Alexandre auroit fait dauantage, Voulant que seulement fust faite son image D'A pelle et de Lysippe, il se mesconteroit, Et l'œuure de la main aux vers r'aporteroit : Car vn visage n'est rapporté par le cuiure, Si bien comme les mœurs le sont par vn beau liure, I'entens par les beaus vers des Poëtes sçauants,
Qui vont vostre louange à qui mienx escriuants. ”

“ Comme vn autre disoit, que de laict doucereux, Pour montrer la Nature, et de miel sauoureux Pour marquer l'artifice, on debueroit repaistre Celuy qui veut aux vers se faire appeler maistre, Personne ne pouuant sans leur conionction Iamais toucher au but de la perfection.
C'est vn Art d'imiter, vn Art de contrefaire Que toute Poësie, ainsi que de pourtraire, Et l'imitation est naturelle en nous: Vn autre contrefaire il est facile à tous ; Et nous plaist en peinture vne chose hideuse, Qui seroit à la voir en essence fâcheuse. ”

“ De se faire mocquer, quand trop mal il s'asseure, En balançant au poids des nombres la mesure, Et de n'enfanter pas en termes bien receus, Les vers qu'en luy premier Phœbus aura conceus, Et de n'estre soigneux d'vne Rime coulante, Qui se rende à l'oreille agreable et plaisante. ”

“ Le tableau de Scopas à tous fut agreable Pour raporter au vray cet aage fauorable Auquel fut Antigone au beau May de ses ans, Ayant encor ses yeux amoureux et plaisans : Toutefois au visage vne rougeur luy monte, Qui naturelle fait qu'il semble qu'il ait honte D'auoir esté trompé par le pinceau menteur, Qui trop ieune l'a fait dans son tableau flateur : La façon de flater est douce et delicate Quand point elle n'importe à celuy que l'on flate : Mais celle la despleut à sa simple bonté, Et le voulut chasser comme vn homme ehonté. ”